ҚАСТЕЕВ МУЗЕЙІНЕ САЯХАТ

      Өткен сенбі күні эстетикалық пәндер бірлестігінің онкүндігі аясында бірлестік мұғалімдері оқушылармен бірге Қастеев музейіне саяхаттап қайтты. Шет елдік және қазақстандық танымал суретшілердің туындыларын тамашалаған оқушылар нағыз бейнелеу өнерінің құдіреті мен сырына үңіліп, көп нәрсені аңғарып қайтты. Жалпы мұражайларды аралату, өнер орталықтарына апару балаларға оң әсер етіп, бойларында өнерге деген сүйіспеншіліктері мен қызығушылықтарын қалыптастыруға болады. Эстетикалық пәндер бірлестігінің мұғалімдері осы мәселелерді ескере отырып, әрі демалыс күндерін пайдалы етіп өткізу мақсатында өнер музейін аралатып қайтуды жоспарлаған болатын. Нәтижесінде оқушылар барғандарына қуанып, осындай саяхатты ұйымдастырған апайларына риза болып, рахметтерін айтып жатты.