ҚАСЫМ ҚАЙСЕНОВТЫҢ 105 ЖЫЛДЫҒЫНА ОРАЙ ІС-ШАРА ӨТТІ.
Қазақ тілі мен әдебиеті пәндері кафедрасының онкүндігі аясында бейсенбі күні аты аңызға айналған партизан, көрнекті жазушы Қасым Қайсеновтың 105 жылдығына орай іс-шара өтті. Іс-шарада «Жау тылындағы бала» шығармасының желісі бойынша 7-сынып оқушылары сахналық қойылымдар қойып, өзара сынға түсті. Өте тартысты, қызықты, оқушылардың актерлік шеберліктері мен творчестволық қабілеттері ортаға түскен байқау жалпы онкүндік аясындағы ең айтулы іс-шара ретінде ерекшеленді. Балалар өздерін қаншалықты талантты, белсенді, шығармашыл екендіктерін барынша көрсетуге тырысып бақты. Декорация, фон, қағаз-картоннан жасалған вагондар, фашистердің формасы, қарапайым тұтқындардың киімдері... тура театрландырылған көрініс берді. Тартысты өткен байқау нәтижесінде 1-орынды 7 «Б» сынып оқушылары жеңіп алса, 2-орынды 7 «В» сынып оқушылары, ал 3-орынға 7 «Г» сынып оқушылары жайғасты. Жоғары деңгейде ұйымдастырылған іс-шара барша көрермендердің көңілінен шығып, естен кетпестей әсер қалдырды. Осы ретте оқушыларға қолдау беріп, сахналық қойылым қоюға көмектескен жетекшілеріне, мұғалімдеріне ризашылық сезімдерімізді білдіре кетсек дейміз. Ал аталмыш іс-шараға жауапты болған қазақ тілі мен әдебиеті пәні мұғалімдері Сейдазимова Элеонора Шариполлақызы мен Такежанова Бақыт Ахатқызына алғыс айтамыз.