«ЖАС ШАХМАТШЫ» ТУРНИРІНІҢ АЛҒАШҚЫ ЖАРЫС КҮНІ ӨТТІ.
Бүгін мектебімізде шахмат ойыны бойынша мектепішілік «Жас Шахматшы» турнирінің алғашқы жарыс күні өтті. Алғашқы жарыс күнінде 5-ші және 6-шы сынып оқушылары арасында өтіп, олимпиадалық жүйе бойынша ұйымдастырылды. Яғни, ойын барысында ұтылған оқушы жарыстан шығып қала береді. Бүгінгі турнир Қазақстан Республикасының Гимнімен ашылып, оқушыларды жұп-жұпқа бөліп, барынша қолайлы жағдай орнатылды. Өте тартысты, ойынға барынша берілген оқушылар, жоғары ұпай алуға тырысып, ақыл-күштерін салды. Сайыс барысына дене шынықтыру пәні мұғалімі Данияр Ташаухан мен қазақ тілі мен әдебиеті пәні мұғалімі Медет Ерсариев төрелік етіп, ойыншыларды қадағалап отырды. Мектебімізде іс-тәжірибеден өтіп жатқан практикант қыздарымыз, ЖенПу-дің 2-курс студенттері Аяғанова Нұрсұлу мен Темірбекқызы Назерке аталмыш сайыстың жоғары деңгейде өтуіне қолғабыс етіп, көмектерін беріп отырды. Нәтижесінде 1-ші орынды 6 «В» сынып оқушысы Юсупов Нұрислам, 2-ші орынды тағы да 6 «В» сынып оқушысы Аббазбек Диас иеленсе, 3-ші орынға 5 «Г» сынып оқушысы Нұрмұхамед Айбек жайғасты. Жарайсыңдар, дейміз. Осылайша турнирдің алғашқы күні тартыспен өтіп, жеңімпаздары анықталды.
Бұл турнирді ұйымдастырушылар - «Жас Ұлан» және «Жас Қыран» мектепішілік бөлімінің аға тәлімгері Қанат Едігетегі, қазақ тілі мен әдебиеті пәні мұғалімі Медет Ерсариев және дене шынықтыру пәні мұғалімдері. 
