Тарихы терең, келешегі кемел білім ордасына 80 жыл!

Мектеп- адам өмірінің алтын бесігі, ұрпақты өмірге үйрететін ,ойын қалыптастыратың шеберхана. Ұлы жазушы М.Әуезов «Халықты халық пен халықты,адам мен адамды теңестіретін-білім» - деп көрсеткендей, қай елдің болмасын ілгері басуы үшін білім қажет. Рухани ұлттық тәрбие нәрімен,терең біліммен сусындаған ұрпақ қана болашақты гүлдендіріп,тәуелсіз елімізді нығайтатын болады.

Биыл  Қазақстан Республикасының тәуелсіздігіне 25 жылдық мерекесі. Тәуелсіздік – ең басты құндылығымыз. Өткен жылнамаларға ой жүгіртсек, сан ғасырға жалғасқан бабалардың «азаттық» атты асыл мұраты жолындағы жеңістер мен жеңілістері, армандары мен өкініштері санамызға оралады.

Тәуелсіздікпен бірге тіліміз бен дініміз, рухымыз, дәстүріміз бен мәдениетіміз оралды.

25 жылдың әр күні еліміздің өркендеп, дамуына арналды. Саясат пен экономика, білім мен ғылым, өнер мен мәдениет, жаңа серпін алып, заман талабына сай өзгерістер әкелді.

Білім жүйесі  де тәуелсіздікпен бірге алға қадам басып, өркениет әлемінің көшіне ілесті. Ерекше үлгідегі мектептер, жаңа буын оқулықтары, озық технологиялар мен инновациялық жобалар ұрпақ игілігіне қызмет етуде.

Міне, осындай  мерейлі Тәуелсіздік  мерекесімен  тұспа-тұс келген  Алматы  қаласы Түрксіб ауданындағы  № 59 мектеп-гимназиясының 80  жылдық мерейтойы – мектеп ұжымы,  ата-аналар, шәкірттері үшін биік мәртебе, зор қуаныш.