ҰСТАЗДАР МЕРЕКЕСІНЕ ОРАЙ СЫНЫП САҒАТТАРЫ ӨТТІ.
Жылдағы дәстүр бойынша елімізде қазан айының алғашқы жексенбісі «Ұстаздар күні» мерекесі ретінде аталып өтеді. Осыған байланысты Қазақстан мектептерінде апта бойы түрлі іс-шаралар өтіп, игі жұмыстар ұйымдастырылады. Бүгін біздің №59 мектеп-гимназиясында аталмыш мерекеге орай 1-11 сыныптар арасында сынып сағаттары өткізілді. Өткізілген сынып сағаттарында оқушылар өз пікірлерін ортаға салып, ұстаздар жайлы мақал-мәтелдер оқып, шығармалар жазды. Жетекші апайлары мен пән мұғалімдерін қуанту үшін «Мектептің жүрегі – мұғалім», «Адамзаттың ұлы ұстаздары» дегендей тақырыптарда эсселер жазып, ішкі ой, лебіздерін білдіруге тырысып бақты. Бұндай игілікті жұмыстар оқушылардың бойында ұстаздарына деген ізгі сезімдерін оятып, қадір-құрметін арттыруға септігін тигізеді. Оқушы, ұстаз арасындағы сенім, жылы қарым-қатынас қалыптастырады. Аталмыш іс-шараларға жауапты ДТІЖО Д.Кыпшакова және сынып жетекшілер.
