Отбасы күні мерекесі
Алматы қаласы, Түрксіб ауданы
№59 мектеп-гимназиясының
Отбасы күніне орай өткізілген жұмыстарының есебі
2016-2017 оқу жылы
«Отан – отбасынан басталады» дейтін дана халқымыз ұрпақ тәрбиесіне қашан да зор мән беріп келген. Бала – болашағымыз, ата-ана ісін жалғастырушы. Ал бала тәрбиесі – ата-ана үшін қашан да күрделі әрі жауапты міндет, қасиетті парыз. Жас шыбық иілгіш болса, жас адам да сондай жақсыға да, жаманға да бірдей үйір болатыны мәлім. Ата-анасының отбасындағы әрекеті балаларының көз алдында өтеді, сондықтан жақсы, жаман әдетіміздің жас буынның тәрбиесіне ықпалы зор. Ата-ана әрдайым өз баласына қамқор бола жүріп адал жолда тәрбиелей білуі керек. Қазақстан Республикасы Президентінің Жарлығымен қыркүйек айының 2-ші жексенбісі «Отбасы күні» болып аталып өтілуде. №59 мектеп – гимназиясында Отбасы күніне арналған жоспарға сәйкес көптеген іс-шаралар апта бойы жүргізілді.
