НҰРХАН АБДУЛЛА І ОРЫНДЫ ИЕЛЕНДІ
2023 жылдың 26 қаңтар күні «Алматы дарыны» дарынды балалар мен талантты жастарды анықтау және қолдау жөніндегі орталығы жалпы орта білім беру ұйымдарының 8-11 сынып оқушылары арасында «Абай әлемі» атты шығармашылық байқауының қалалық кезеңін өткізді.
Байқаудың мақсаты: Кемеңгер Абайдың ақындық болмысына терең үңілуге, оның шығармашылық өмірінен ғибрат алып, өмірде қолдана алуға бағыттау; зияткерлік және шығармашылық қабілеттерін дамыту.
№1 номинация: «Жүрегімнің түбіне терең бойла...» атты эссе байқауында 11-сынып оқушылары арасында мектебіміздің оқушысы Абдулла Нұрхан жүлделі 1-орынды иеленді. Құтты болсын, дейміз. Енді Нұрхан Республикалық кезеңге жолдама алды. Сәттілік серік болсын деп тілейміз! Жетекшісі- қазақ тілі мен әдебиеті пәні мұғалімі Ахметова Хабира Берікболқызы.