«АҚБЕРЕН» ӨНЕР БАЙҚАУЫНДА І ОРЫНДЫ ЖЕҢІП АЛДЫ.

       «Алматы дарыны» орталығының ұйымдастыруымен өткен Республикалық «Ақберен» өнер байқауының қалалық кезеңінде №59 мектеп-гимназияның 11-сынып оқушысы Нұрхан Абдулла үздік атанып, І орынды жеңіп алды. «Шешендік, білгірлік сайысы» номинациясы бойынша сынға түскен оқушымыз өнер-білімімен алда болып, қарсыластарынан басым түсті. Жетекшісі: қазақ тілі мен әдебиеті пәні мұғалімі Ахметова Хабира Берікболқызы. Енді Республикалық кезеңге жолдама алған талантты баламызға сәттілік тілей отырып, биіктен көріне берсін дейміз. Шәкіртінің оза шауып, жүзден жүйрік, мыңнан тұлпар болуына бар жанын салып жүрген жетекші мұғаліміне алғыс айта отырып, шығармашылық табыстар тілейміз.