БІЗДІҢ ОҚУШЫЛАР «ЕЛБАСЫ МЕДАЛІНІҢ» ИЕГЕРІ

      Иә, біздің талантты да талапты қыздарымыз, №59 мектеп-гимназиясының 11-сынып оқушылары (сынып жетекшісі Бақыт Ибраимова) Демалышева Анар Қуатбекқызы мен Жетен Әйгерім Айдарқызы «Елбасы медалі» жалпыұлттық жобасына қатысып, кеше ғана қола деңгейін аяқтағанын растайтын сертификат пен медальға ие болды. Қандай қуанышты хабар, зор жетістік. Әрдайым алға биік мақсат қойып, сол мақсатқа жүйелі түрде жетуге үйрететін біздің мұғалімдеріміз өздерінің еңбектерінің нәтижесін көріп, міне, мақсатына жетіп отыр. Жарайсыздар дейміз. «Әрбір бала бір жұлдыз, жарқырауына көмек бер» демекші, әр шәкіртінің жарқырауына көмек беріп жүретін біздің ұлағатты әріптестерімізге шығармашылық табыс, ұстаздық қызметінде үнемі биіктерден көріне берулеріне тілектестік білдіремін.