«ДИРЕКТОР КУБОГІ» ҮШІН ЖАРЫС ҰЙЫМДАСТЫРЫЛДЫ.
Осы аптада «Салауатты өмір салтын насихаттау» жобасы аясында 8-11 сынып оқушылары арасында волейболдан мектепішілік «Директор кубогі» үшін жарыс ұйымдастырылды. Бұл жарыс жыл сайын ұйымдастырылып тұратын игі іс-шаралардың бірі. Өте тартысты өткен сайыстың нәтижесінде 10 «Ә» сынып оқушыларынан құралған команда І орынға ие болса, 11 «А» сынып оқушылары ІІ орын, 10 «А» оқушылары ІІІ орынға жайғасты. Орын алған барлық командаларға арнайы кубоктар табыс етіліп, ойыншылары медальдар мен грамоталармен марапатталды. Үздік өнер көрсеткен Қадір Ғамзат, Дана Базарова, Айбек Сабырханов, Сатыбалды Ерасыл, Қуаныш Тіленші деген оқушылар «Үздік ойыншы» деген арнайы грамоталарға ие болды. Игі шараны қолдаушы: мектеп директоры Қасымова Айжан Тойбекқызы. Ұйымдастырушы: денешынықтыру пәні бірлестігі.