БҮГІН РЕСПУБЛИКА САРАЙЫНДА ТАМЫЗ КОНФЕРЕНЦИЯСЫ ӨТТІ.

     Конференция спикерлері: қала әкімі Досаев, оқу-ағарту министрі Аймағамбетов, Сингапур мұғалімдер одағының Бас хатшысы Майк Тируман, Хельсинки қаласының білім беру департаментінің басшысы Марье Киллонен, Нью-Иорк университетінің студенті Нұрберген Айтмұханбетов.  Модератор Нұрлан Қиясов спикерлерге кезегімен сұрақтар қойып, жүргізіп отырды. «Қазіргі заманның мектептері қандай талаптарға ие болуы керек?», Жеке меншік мектептердің маңызы,  қаладағы мектептердің жаңа форматқа көшетіндігі туралы, Талантты жастарды мұғалімдікке тартудағы жұмыстар, Қазақстан мектебінде не жетіспейтіндігі, нені қолға алу керектігі және т.б. мәселелер қозғалып, кезек кезегімен жауап беріп жатты. Бір өкініштісі, шет елден келген қонақтар ағылшын тілінде сөйлеп, сөйлеген баяндамалары аударылмай қалды. Өйткені олар әлемдегі білім беру жүйесінің ең үздіктері «Сингапурлық феномен», «Финдік білім беру жүйесі» секілді тақырыптарда сөз қозғап, біраз қызықты дүниелерді айтты (Ағылшын тілін білмегенімізге өкіндік). Спикерлер сөйлеп болғаннан кейін марапаттау сәті басталды. Бір қуанарлығы, біздің мектеп басшымыз Қасымова Айжан Тойбекқызы «Ы.Алтынсарин» төсбелгісімен марапатталып, көңіл-күйіміз көтеріліп қалды. Конференция барысында «Сенім» вокалды хор студиясы өлең айтып, өнерлерін ортаға салды. Екінші бөлімінде №81 мектеп-гимназия директоры Тұрымбетов Нұрғали, «Айб» білім беру қорының қамқорлық кеңесінің төрағасы Арам Пахчанян және журналист, «Басқа мектеп» кітабының авторы Александр Мурашев кезек кезегімен ортаға шығып, замануи мектеп, жақсы мектептің критерийлері, мектепті жақсартудағы директорлардың атқарар ролдері туралы баяндамалар жасап, слайд презентациялар қойып, келген көрермендерді қызықтырып отырды. Әсіресе Нұрғали Асанұлы мен Арам Пахчанянның сөздері өте пайдалы, қызықты болды. Жалпы аталмыш конференция сәтті өтті деп айтуға болады.