«Мәселені бірлесіп шешеміз» атты антинаркотикалық алаң

Түрксіб ауданындағы «Мәселені бірлесіп шешеміз» атты антинаркотикалық алаң

№59 мектеп-гимназиясында кәмелетке толмағандар арасындағы суицид пен нашақорлықтың алдын алу тақырыбына арналған кездесу өтті.
Кездесуге білім беру бөлімі, мектеп психологтары және мектеп өзін-өзі басқару ұйымдарының көшбасшылары қатысты.
⠀
Кездесу барысында жастар арасында салауатты өмір салтының құндылықтарын қалыптастыру және тәуекелдерді ерте анықтау жолдары талқыланды.
⠀
Мектеп өзін-өзі басқару ұйымдарының негізінде нашақорлықтың алдын алуға бағытталған еріктілер жасақтарын құру ұсынылды.
⠀
Жастық шақ — бұл тұлғаның қалыптасу, өзінің жолын табу және қоғамдағы орнын ұғыну кезеңі. Осы кезеңде жастарды қолдау ерекше маңызды. Өкінішке қарай, нашақорлық дамып келеді, қауіпті синтетикалық заттар пайда болуда. Есірткі — жастардың басты жауына айналды. Мұның шешімі — алғашқы профилактикада: мектеп жасынан бастап балалардың дұрыс өмірлік құндылықтарын қалыптастыру қажет. Мектептерде еріктілер жасақтарын құру — жасөспірімдерді қолдауға және олардың әлеуметтік құзыреттілігін дамытуға бағытталған маңызды қадам.
⠀
Шара соңында әрбір қатысушы арнайы плакатқа алақан ізі мен есімін қалдырып, жасөспірімдердің денсаулығын қорғаудағы ортақ ұстанымын білдірді.