«САНДЫҚ БІЛІМ БЕРУ РЕСУРСТАРЫ» ТАҚЫРЫБЫНДА ШЕБЕРЛІК САБАҒЫ ӨТТІ.

Бүгін мектебімізде физика пәнінің мұғалімі Хасен Зәрудің ұйымдастыруымен мұғалімдерге арналған шеберлік сабағы өтті. Сандық біліммен қарулану, білім ресурстары туралы ақпараттармен кеңірек танысу, оқу-оқыту ісінде тиімді пайдалану қазіргі уақытта педагог мамандар үшін аса қажетті. Ментиметр, Джойтека, Каһут секілді сандық білім беру қосымшалары мен платформалары туралы білу, оларды қалай пайдаланып, қайтіп жұмыс істеу керектігінен хабардар болу бүгінгі заманауи білім беруде аса маңызды дүниелер. Міне, осындай ақпараттарды ортаға салып, пайдаланудың жолдарын көрсетуге арналған аталмыш сабақ мұғалімдер үшін пайдалы болып, сандық технологиялар бойынша біраз білім-білігін көтеріп қайтты.