Аудандық семинар
Аудандық семинар
Бәсекеге қабілетті ұрпақ тәрбиелеу, үштілділікті берік қолға алумен тығыз байланысты. Мектеп қабырғасында балаға бірнеше тілді үйрету – заман талабы. Осыны ескерген №59мектеп-гимназиясында мектеп басшыларына арналған "Үштілділік мәселелері мен келешегі" тақырыбында аудандық семинар өтті.
Жеткіншектерді үш тілде оқыту – заман талабы десек, оның негізгі мақсаты - бірнеше тілді меңгерген, әлеуметтік және кәсіптік бағдарға қабілетті, мәдениетті тұлғаны дамыту және қалыптастыру. Қазақ тілі -мемлекеттік тіл, ал орыс тілі мен шетел тілдерінің бірін білу тұлғаның ой-өрісін кеңейтеді. «Сегіз қырлы, бір сырлы» тұлға болып, дамуына жол ашады. Ұлтаралық қатынас мәдениетін дамытады.
Бұл семинар - ұстаздар арасында тәжірибе алмасуға зор мүмкіндік берді. Ұстаздарымыз кіріктірілген сабақтар өткізіп, Түрксіб ауданы мектеп басшылары тарапынан жоғары деңгейде өткізілген сабақтарына өте жақсы деген бағаға ие болды. Оқушының функционалдық қабілетін арттыруды көздеген жиында қазіргі білім реформасындағы жаңашылдықтар паш етілді. Әрі оқушыларды критериалды бағалау жайы да сөз етілді.
