«Қазақ тілі» мен «Қазақ әдебиеті» пәндерін ұлттық құндылықтарға бағдарлай оқыту» тақырыбындағы республикалық тәжірибелік семинар өткізілді.

2025 жылдың 28 наурызында Алматы қаласы Білім басқармасының “Қалалық білім берудегі жаңа технологиялардың ғылыми-әдістемелік орталығы” мен «№59 мектеп-гимназия» КММ-сімен бірге мектеп-гимназия базасында: «Қазақ тілі» мен «Қазақ әдебиеті» пәндерін ұлттық құндылықтарға бағдарлай оқыту» тақырыбындағы республикалық тәжірибелік семинар өткізілді.

Ұлттық құндылықтарды сабақ мазмұнына кіріктіре отырып, білім алушылардың тұлғалық дамуына ықпал ету, ақыл-ой қабілеті мен тұлғалық қасиеттерін қалыптастырып, түрлі шығармашылығын шыңдайтын, тілдік-эстетикалық талғамдарын дамытатын үздік тәжірибелерді тарату, тәжірибе алмасу мақсатындағы семинарға қаламыздың 8 ауданынан қазақ тілі мен әдебиеті пәні мұғалімдері мен Республикамыздың бірнеше өңірлерінен тікелей эфир арқылы педагогтер қатысып, өз тәжірибелерімен бөлісті.